Pages

Thursday, December 13, 2012

“ကုသိုလ်တော့ … ရတယ်”




တချို့က… ငယ်ငယ်ရွယ်ရွယ်နဲ့ သမိုင်းထဲက မထွက်ချိန်
တချို့က… ကြီးတောင်ကြီးမားနဲ့ ကလေးကလားလုပ်တုန်း
မြင်ရတာ မတော်လို့ မျက်စိမှိတ်ထားရက်က
မတန်တဆ စကားလုံးတွေ နားဝကို လာလာရိုက်ကြ
အနေအထိုင်မတတ်တဲ့ ပါးစပ်ကနေ
ဖြစ်သင့်ဖြစ်ထိုက်တာတွေ ထွက်ကျလာ…။

လေထဲဆောက်တဲ့ တိုက်အိမ်တွေ
စ, ဖို့ အစီအစဉ်မရှိတဲ့ စိတ်ကူးတွေ
အာသာပြေတန်းတဲ့ လက်သီးလက်မောင်းတွေ
အသံကျယ်ပြီး အလုပ်မဖြစ်တဲ့ သင်္ကြန်အမြောက်တွေ
အလွတ်ကျက် ရွတ်ရွတ်နေတတ်တဲ့ ဆင်ခြေဆင်လက်တွေ
နေရာဒေသကလဲ… ပစ်မလွဲ ရှောင်မလွတ်…။

ကျွန်တော်… နားတွေထဲ ဂွမ်းသွတ်ထားလိုက်တယ် (မကြားရအောင်)
ကျွန်တော်… မျက်မှန်ကို ချွတ်ပစ်လိုက်တယ် (မမြင်ရအောင်)
ပြီးတော့… မေတ္တာသုတ် နာနာရွတ်တယ် (မပြောမိအောင်)
ဟိုသီချင်းလေးထဲကလိုပေါ့…
ကုသိုလ်ရပါတယ် … ကုသိုလ်ရပါတယ် …။      

Friday, August 17, 2012

မနက်ဖြန် ဘာဖြစ်မှာလဲ ... ကျနော်မသိဘူး ...။ ဘယ်တုန်းကမှ မသေချာခဲ့တဲ့ မနက်ဖြန်တွေ ... အခုလဲ ကျနော့်အတွက် ထွေထွေထူးထူး မရေရာနေခဲ့ပါဘူး။ အဆင်မပြေခြင်းတွေနဲ့ ဝရုန်းသုံးကားဖြစ်ပြီးမှ ... ဘဝက ပြန်ပြန်ပြီး သေသပ်ကျနခဲ့ရတာ အခါခါ ...။ ကြာတော့လဲ ... မျှော်လင့်ချက်တွေ ပြည့်ဝခွင့်ရမယ့်နေ့ဟာ အခက်အခဲတွေနဲ့ မလှမပ ပေါင်းဖက်စုံမက် ... ပြီးမှ ကျနော့်ဆီရောက်လာမှာပါလားရယ်လို့ ... နားလည်ထားလိုက်တယ် ...။ ရပါတယ် ... ကျနော် ခံနိုင်ရည်ရှိဖို့ကြိုးစားတယ် ...။ ခံနိုင်ရည်မရှိတော့တဲ့ နေ့ရောက်လာခဲ့ရင်လဲ ... မျှော်လင့်နေရခြင်းအလုပ်ကို ရပ်တန့်ပစ်လိုက်ရတော့မှာပဲ ...။

Friday, August 3, 2012

ကျွန်တော်လွတ်ကျခဲ့တဲ့ မြို့တော် ... စာအုပ် မိတ်ဆက်ပွဲနှင့်အရောင်းပွဲ
















ကြွရောက်လာကြတဲ့ စာဖတ်ပရိသတ်များ ၊ တက်ရောက်ပြီး နှုတ်ခွန်းဆက်စကား ပြောကြားပေးကြတဲ့ စာရေးဆရာမောင်ဝံသ၊ စာရေးဆရာမင်းလူ၊ ဦးသူရ(ခ) ဇာဂနာ၊ စာရေးဆရာမင်းကိုနိုင်၊ အခန်းအနားမှူးအဖြစ်ဆောင်ရွက်ပေးတဲ့ ကိုဇော်သက်ထွေး ... စာအုပ်ထွက်နိုင်ဖို့ အစမှအဆုံးအထိ မငြီးမငြူ ကူညီပေးခဲ့တဲ ညီငယ် မြေမှုန်လွင်၊ မျက်နှာဖုံးဒီဇိုင်းကို မေတ္တာနဲ့ရေးဆွဲပေးခဲ့တဲ့ ညီငယ် မောင်ပွတ်၊ အတွင်းပန်းချီပုံတွေရေးဆွဲပေးခဲ့တဲ့ ကိုလင်းဝဏ္ဏ၊  ပွဲပြုလုပ်ခွင့်ပေးခဲ့တဲ့ HOME မှတာဝန်ရှိသူများ၊ MIDO အဖွဲ့မှ ညီငယ် ညီမငယ်များအားလုံး ... ချစ်သောမိသားစုတွေနဲ့ ... ကျေးဇူးတင်ထိုက်သူများအားလုံးကိုကျေးဇူးတင်ပါတယ် ...။

Saturday, June 30, 2012

ပြည်သူလူထုဦးဆောင်သော ...


ပြည်သူ့ခေတ်ဂျာနယ် အစောင် ၁၀၀ပြည့်စာစောင်မှာရေးဖြစ်ခဲ့တဲ့ ဆောင်းပါးလေးပါ ...
 
 အထဲမှာတုန်းက Installation Art Show နှစ်ခါလုပ်ဖြစ်ခဲ့ပါတယ်။ အဲဒီ့ပွဲလေးနှစ်ပွဲမှာတင်ဆက်ပြသဖြစ်ခဲ့တဲ့ လက်ရာတွေထဲကမှ တစ်ခုအကြောင်းကို ကျနော်အခုပြောပြချင်တယ် ...။ Future Shock လို့ အမည်ပေးခဲ့တဲ့ ပြကွက်လေးတစ်ခုပါ။ ပုံသုံးပုံကိုယှဉ်ပြထားပြီး ပထမပုံကတော့ ဗိုလ်ချုပ်အောင်ဆန်းပုံပါ ... အဲဒီ့ပုံမှာကျနော်က အတိတ် (Past) လို့ရေးထားပါတယ်၊ ဒုတိယပုံကတော့ ဒေါ်အောင်ဆန်းစုကြည်ရဲ့ပုံဖြစ်ပြီး အဲဒီ့ပုံမှာတော့ ... ပစ္စုပ္ပန်(Present) လို့ရေးထားပါတယ်။ နောက်ဆုံးပုံမှာတော့ ... အနာဂတ် (Future) လို့ရေးထားပြီး ဘာပုံမှမပါတဲ့ စာရွက်အဖြူအပေါ်မှာ မေးခွန်းသင်္ကေတ (Question Mark) အကြီးကြီးကိုဆွဲထားလိုက်ပါတယ်။ ကျနော့်ရဲ့ ပြကွက်လေးကတော့ ဒါပါပဲ ...။ အခု ကျနော်ပြောပြတဲ့အတိုင်းလေးကို နားလည်မိသလောက်လေး ပုံဖော်ကြည့်ပြီး မျက်စိထဲမြင်ယောင်ကြည့်လိုက်ပါ။ အဲဒီ့အခါ ... ခင်ဗျားတို့ရဲ့ရင်ထဲမှာ ကျနော်တပ်ထားတဲ့ ခေါင်းစဉ်လေးအတိုင်းပဲ ... အနာဂတ်နဲ့ပတ်သက်တဲ့ တုန်လှုပ်မှု တစ်ခုခုဖြစ်လာလိမ့်မယ်လို့ ကျနော်ထင်ပါတယ်။

Wednesday, June 13, 2012

လူမျိုးတုန်းသတ်ဖြတ်မှု(Genocide) ဆီ ဦးတည်နေပြီလား ...


        
          ယဉ်ကျေးမှုတိုင်းလိုလိုမှာ လူမျိုး၊ဘာသာ၊နိုင်ငံသား၊အသားအရောင်၊လိင် စတဲ့ ကွဲပြားခြားနားမှုတွေကို အခြေပြုပြီး ငါတို့နဲ့သူတို့ဆိုတဲ့ '' Us and Them'' ခွဲခြားမှုတွေရှိတတ်ပါတယ်။ ရန်၊ ငါ စည်းခြားတယ်လို့လဲ ဆိုနိုင်တာပေါ့။ ငါတို့ ဂျာမာန်တွေ၊ သူတို့က ဂျူးတွေ၊ ငါတို့က ဟူတူတွေ၊ သူတို့က တွတ်စီတွေ စသည်ဖြင့် လူလူချင်းအမျိုးအစားခွဲခြားလိုက်ခြင်း (Classification) ဟာ Genocide လို့ခေါ်တဲ့ လူမျိုးတုန်းသတ်ဖြတ်မှုများ ဖြစ်ရခြင်းရဲ့ အစမှတ်လို့ဆိုနိုင်ပါတယ်။ ရောယှက်နေသော ဆက်နွယ်မှုတွေရှိမနေတဲ့ လူမျိုးစုနှစ်ခု ဒါမှမဟုတ် နှစ်ခုထက်ပိုပြီးရှိကြတဲ့ နိုင်ငံတွေဟာ လူမျိုးတုန်းသတ်ဖြတ်မှုတွေဖြစ်နိုင်ချေများပါတယ်။ ဒီလိုမဖြစ်ဖို့ ကာကွယ်နိုင်ချေရှိတဲ့ အဓိကစွမ်းအားကတော့ လူမျိုးရေးခွဲခြားမှုတွေ၊ အသားရောင်ခွဲခြားမှုတွေကိုကျော်လွန် သွားတဲ့၊ အချင်းချင်းအပြန်အလှန် စိတ်ရှည်သည်းခံမှုနဲ့ နားလည်မှုတွေကို တိုးပွားစေတဲ့၊ ပိုင်းခြားမှုတွေကို ကျော်သွားတဲ့ အမျိုးအစားခွဲခြားခြင်းကိုသာအားပေးတဲ့ ကမ္ဘာလုံးဆိုင်ရာ အစုအဖွဲ့၊ အဆောက်အအုံတွေ ဖွံ့ဖြိုးလာဖို့ပဲဖြစ်ပါတယ်။ အဲဒီ့လို့ဖွံ့ဖြိုးလာခြင်းက ဘုံရပ်တည်ချက်တွေကို မဖြစ်မနေရှာဖွေလာရပြီး ... အဲဒီ့အချက်ကိုက လူမျိုးတုန်းသတ်ဖြတ်မှုတွေကို တားဆီးနိုင်တဲ့ အဓိကစွမ်းအားဖြစ်လာပါတယ်။ အရိုးဆုံး နဲ့ အရှင်းဆုံးပြောရရင်တော့ အကျိုးတူပူးပေါင်းဆောင်ရွက်မှုတွေများများလုပ်ပြီး အချင်းချင်းနွယ်ယှက်နေသော အကျိုးစီးပွားတွေ များများရှိနေတဲ့ လူ့အဖွဲ့အစည်းကို တည်ဆောက်ကြဖို့ပါ။
          အမျိုးအစားခွဲခြားခြင်း (Classification) ဟာ အမျိုးအစားခွဲခြားထားရုံနဲ့တော့ သိပ်ပြဿနာမရှိသေး ပါဘူး။ သူ့နောက်ကနေ ထပ်ချပ်မကွာလိုက်လာတဲ့ ... အမည်တပ်တံဆိပ်ကပ်ခြင်း (Symbolization) ကြောင့် အခြေအနေတွေက ပိုပြီးရှုပ်ထွေးလာပါတယ်။ အုပ်စုတစ်ခုခုက အခြားအုပ်စုတစ်ခုခုကို အမည်နာမတစ်ခု ဒါမှမဟုတ် တံဆိပ်တစ်ခုကပ်လိုက်ပါတယ်။

Friday, May 11, 2012

Interview By Eleven Media Group (Cancelled By Censorship)


မြန်မာ ဘလောဂါ အသိုက်အ၀န်း၌ နာမည် ကျော်ကြားသူတစ်ဦးဖြစ်ခဲ့ပြီး ၂၀၀၈ခုနှစ်တွင် ပထမဆုံးထိမ်းသိမ်းခံခဲ့ရသည့် ဘလောဂါတစ်ဦး ဖြစ်ခဲ့သူ၊  အကျဉ်းကျနေစဉ်ကာလ ၂၀၀၈ခုနှစ်မှာပင် နယ်စည်းမခြား သတင်းထောက်များ အဖွဲ့မှ ပေးအပ်သောဆုကို လူရွှင်တော် ဇာဂနာနှင့်အတူ ရရှိခဲ့ဖူးသူ၊ ၂၀၁၀ပြည့်နှစ်တွင် PEN American မှပေးသော ရွှေကလောင်ဆုနှင့် တိုင်းမ်မဂ္ဂဇင်းမှ ရွေးချယ်သည့် Hero 100  စာရင်းတွင် ပါဝင်ခဲ့သူ၊ ၂၀၁၂ ခုနှစ် ဇန်န၀ါရီလ ၁၃ရက်နေ့တွင် နိုင်ငံတော်သမ္မတ၏ လွတ်ငြိမ်းချမ်းသာခွင့် အမိန့်ဖြင့် ပြန်လည် လွတ်မြောက်လာခဲ့သူ ဘလောဂါ နေဘုန်းလတ်နှင့် တွေ့ဆုံခဲ့ခြင်းအား ဖော်ပြအပ်ပါသည်။ 
'လွှတ်တော်ပြင်ပနိုင်ငံရေးဆိုတာ လမ်းပေါ်ထွက်တာကို ပြောတာမဟုတ်ပါဘူး'
ဘလောဂါ နေဘုန်းလတ်နှင့် တွေ့ဆုံခြင်း
မေး - ၂၀၀၅ ခုနှစ်နောက်ပိုင်း မြန်မာနိုင်ငံမှာ ပေါ်ပေါက်လာတဲ့ ဘလောဂါ ပထမမျိုးဆက်တွေထဲမှာ ကိုနေဘုန်းလတ်လည်း တစ်ဦးအပါ အ၀င်ဖြစ်ပါတယ်။ အထူးသဖြင့် 'ကျွန်တော် လွတ်ကျခဲ့တဲ့ မြို့တော်' ဘလော့ကြောင့် ပိုထင်ရှားခဲ့ပြီး ကိုနေဘုန်းလတ်ကိုလည်း မြို့စားကြီးလို့ အွန်လိုင်းသုံးသူတွေက ခေါ်ခဲ့ကြပါတယ်။ အခုတော့ မြို့စားကြီး ပြန်လွတ်လာပါပြီ။ ၂၀၀၈ခုနှစ် ဇန်န၀ါရီလ ၂၉ရက်နေ့မှာ အဖမ်းခံခဲ့ရတယ်။ အဲဒီနှစ် နိုဝင်ဘာမှာ ထောင်ဒဏ် ၂၀နှစ်နဲ့ ခြောက်လ  အမိန့် ချမှတ်ခံရပါတယ်။ ၂၀၀၉ခုနှစ်မှာ အယူခံဝင်တာ အောင်မြင်သွားပြီး ထောင်ဒဏ် ၁၂နှစ် ပြောင်းလဲ သတ်မှတ်ခံရပါတယ်။ ဘလောဂါတစ်ဦး ဖြစ်တာကြောင့် အမှုတွေက ပိုများ သွားတာလား။ 

Saturday, May 5, 2012

မြန်မာနိုင်ငံ သတင်းစာဆရာအသင်း (Myanmar Journalists Association)


မြန်မာနိုင်ငံ သတင်းစာဆရာအသင်း အသင်းဝင်မှတ်ပုံတင်ပုံစံများကို
အောက်ပါလိပ်စာသို့ပေးပို့နိုင်ကြပါသည်။
အမှတ်(၁၅၀-၁၆၀)၊ ၃၅ လမ်း၊ ကျောက်တံတားမြို့နယ်၊ ရန်ကုန်မြို့။ ဖုန်း – ၀၉
၄၂၁၀ ၉၄၆၅၉

လက်ရှိသတင်းမီဒီယာများတွင် တာဝန်ထမ်းဆောင်နေသော သတင်းသမားများ၊
မြန်မာနိုင်ငံတစ်ဝန်းလုံးရှိ အလွတ်တန်းသတင်းထောက်များနှင့်
မြန်မာနိုင်ငံစာပေနှင့်စာနယ်ဇင်းအဖွဲ့ဝင် သတင်းထောက်များ
အနေဖြင့်ယင်းလိပ်စာသို့ ဆက်သွယ်၍ အသင်းဝင်ပုံစံများ ရယူခြင်း၊
ပြန်လည်ပေးပို့ခြင်းတို့ ပြုလုပ်နိုင်ပါသည်။ (စာအိပ်ပေါ်တွင် MJA အသင်းဝင်
မှတ်ပုံတင်ပုံစံဟု ထင်ထင်ရှားရှားရေးသားပေးပါရန်)

ဆက်သွယ်ရေးခက်ခဲသောနေရာဒေသမှ သတင်းသမားများအနေဖြင့် A4 စက္ကူတွင် အမည်၊
ကလောင်အမည်၊ အဘအမည်၊ နိုင်ငံသားစိစစ်ရေးအမှတ်၊ လူမျိုး/ကိုးကွယ်သည့်ဘာသာ၊
ပညာအရည်အချင်း၊ မွေးသက္ကရာဇ်၊ / အသက်၊ လက်ရှိကိုယ်စားပြု အဖွဲ့အစည်း(သို့)
စာစောင် (ရှိလျှင်)၊ လုပ်ငန်းအတွေ့အကြုံ၊ ယခင်လုပ်ကိုင်ခဲ့ဖူးသော
စာနယ်ဇင်းများ၊ သတင်းစာပညာနှင့်ပတ်သက် တက်ရောက်ဖူးသော သင်တန်း
(ရှိလျှင်)၊ ဆက်သွယ်နိုင်မည့် လိပ်စာ အပြည့်အစုံ၊ ဆက်သွယ်ရန် ဖုန်း၊
အီးမေးလ်၊ ထိုးမြဲ လက်မှတ်နှင့် ဓာတ်ပုံ နှစ်ပုံကို
အထက်ဖော်ပြပါလိပ်စာသို့ စာတိုက်မှတစ်ဆင့်ပေးပို့နိုင်ပါသည်။
(စာအိပ်ပေါ်တွင် MJA အသင်းဝင် မှတ်ပုံတင်ပုံစံဟု ထင်ထင်ရှားရှားရေးသားပေးပါရန်)

မြန်မာနိုင်ငံသတင်းစာဆရာအသင်းဖွဲ့စည်းပုံစည်းမျဉ်း(မူကြမ်း) နှင့် ရှေ့လုပ်ငန်းစဉ်
တို့ကို http://www.mja2012.org တွင် ဖတ်ရှုကာ အသင်းဝင်အဆိုပြုလွှာကိုလည်း
download ရယူနိုင်ပါသည်။ အီးမေးလ်ဖြင့်ပို့ပါက mmjaorg@gmail.com
သို့လည်းပို့ပေးနိုင်ကြပါသည်။

Thursday, April 19, 2012

သင်္ကြန်ခရီးစဉ် ... (၂)


           ဒုတိယအကြတ်နေ့ညနေပိုင်းမှာ … ရွာတစ်ရွာက ညီငယ်တစ်ယောက်ရောက်လာပြီး … အိုင်သပြုနဲ့ ငါးသို်င်းချောင်းကြားမှာ ဆည်ဆောက်ဖို့အတွက် မြေတွေဖို့တာ ပါသွားတဲ့ လယ်ကွက်တွေကို လျှော်ကြေးမပေးဘူး ဆိုတဲ့အကြောင်း၊ခမောက်စုအထက်တန်းကျောင်းက ကျောင်းအုပ်ဆရာမကြီး ကျောင်းသား၊ ကျောင်းသူတွေစီကနေ … ပိုက်ဆံတွေအကောက်ကြမ်းပြီး ခြံတွေတစ်ခြံပြီးတစ်ခြံဝယ်နေတယ်ဆိုတဲ့အကြောင်း ၊စာမေးပွဲကြေး ၇၀၀ ကိုလည်း တစ်ယောက် ၇၀၀၀ ကောက်ပြီး ဆရာမကြီးနဲ့ အကြံပေးဆရာ တစ်ယောက် တို့ ပေါင်းစားနေတယ်ဆိုတဲ့အကြောင်း … တွေလာပြောပြကြတယ်။ မသိနားမလည် တဲ့ တောသူတောင်သားတွေကို လည်မျိုညှစ်ပြီး စီးပွားရှာနေတဲ့ အကျင့်ပျက်လူယုတ်မာတွေရဲ့ ရန်က တော်တော်မသေးပါလားလို့ ကိုယ်တွေးမိပြီး … ဥပဒေဘောင်ထဲကနေ ဘယ်လိုဘယ်လိုမျိုးတွေ လုပ်သင့်တယ်ဆိုတဲ့ အကြောင်း အကြံပေးလိုက်ပြီး ၊ ကိုယ်ကိုယ်တိုင်းလဲ  ဒီလိုမျိုးကိစ္စတွေ ပပျောက်သွားအောင် တတ်နိုင်သလောက် ကြိုးစားပေးမယ့် အကြောင်း ကတိပေးလိုက်တယ်။ တောသူတောင်သားတွေရဲ့ ရိုးသားမှု၊ အသိအမြင် နည်းပါးမှုကို အခွင့်ကောင်းယူပြီး ကိုယ်ကျိုးစီးပွားအတွက် ရသလောက်ချူယူနေတဲ့ တောကြောင်တွေ လက်ခမောင်းဆက်မခတ်နိုင်အောင် ကိုယ်တို့အားလုံး တာဝန်သိသိနဲ့ ကြိုးစားကြဖို့ အရေးတကြီး လိုအပ်နေပြီ ဆိုတာ အသေအချာပဲ။ မီဒီယာတွေကိုလည်း … မြို့ကြီးပြကြီးတွေနဲ့ နာမည်ကြီးတွေ နောက်ကိုချည်း  လျှောက်လိုက်မနေပဲ နယ်ဝေးဒေသတွေအထိ ခြေဆန့်ကြရင် သိပ်ကောင်းမှာပဲလို့လဲ တွေးမိတယ်။ မြို့ကြီးပြကြီးနဲ့ ဝေးလံခေါင်သီတဲ့ တောရွာကျေးလက်က ပြည်သူတွေရဲ့ ရင်ထဲမှာ မကျက်သေးတဲ့ အနာရွတ်တွေပေါ် ဒဏ်ရာတွေ ထပ်ထပ်ပြီးရနေတုန်းပဲ … ပြီးတော့ … သူတို့မှာ ပြောချင်နေကြတဲ့စကားတွေများစွာကို နှုတ်ခမ်းကိုက်ပြီး မြိုသိပ်ထားရတဲ့ မချိမဆန့် ရင်ဘတ်တွေလဲ ရှိကြသေးတယ်။ ပြည်သူ့အသံကို တကယ်ဖော်ထုတ်ချင်တယ်ဆိုရင် … သူတို့တွေကို ကိုယ်တို့ ဘယ်လိုချန်ထားခဲ့လို့ဖြစ်မှာလဲ ။
          အတက်နေ့ နေ့လည်စာဆွမ်းစားပြီးတော့ လူထွက်ဖို့အတွက်ကျောင်းထိုင်ဘုန်းဘုန်းက သိက္ခာချပေးတယ်။ ဘုန်းကြီးအဖြစ်ကနေ ကိုရင်၊ ကိုရင်အဖြစ်ကနေမှ သာမာန်လူ ဆိုတဲ့အဆင့်နှစ်ဆင့်ကို ဆရာတော်တိုင်ပေးတာတွေလိုက်ဆိုပြီးမှပဲ သာမာန်လူပြန်ဖြစ်တယ်။ ရဟန်းသံဃာဖြစ်ဖို့မလွယ်သလို၊ လူပြန်ထွက်ရတာလဲ လွယ်လွယ်နဲ့မပြီးဘူးလို့ ဆရာတော်ကပြောတယ်။ ရဟန်းတော်တွေကို သင်္ဃန်းဆွဲချွတ်လိုက်ရုံနဲ့ သိက္ခာကျမသွားဘူးဆိုတာကို ဆရာတော်က သေသေချာချာရှင်းပြတယ်။ လူထွက်ပြီးပြီးချင်းပဲ ၁၉ ဂျူလိုင်မှာ ကျဆုံး သွားတဲ့ အာဇာနည်တွေထဲက တစ်ဦးဖြစ်တဲ့မန်းဘခိုင်ရဲ့ အမျိုးတွေရှိရာ ယုန်တလင်းကျေးရွာလေးကို ကိုယ်တို့တွေထွက်ခဲ့ကြတယ်။ ငါးသိုင်းချောင်းသူနဲ့ညားပြီး ရွာမရောက်တာကြာပြီဖြစ်တဲ့ အိုင်သပြုသား ကိုပေါက်ကြီးက သူ့ကားနဲ့လိုက်ပို့ပေးလို့ ကိုယ်တို့တွေ ချောချောမောမောနဲ့ ယုန်တလင်းကိုရောက်သွားကြတယ်။ ယုန်တလင်းက အိုင်သပြုနဲ့ဆို ၁၀မိုင်လောက်ဝေးတယ်။ ဗိုလ်ချုပ်အောင်ဆန်းကို ဟင်္သာတမှာ ဆုတော်ငွေ ငါးကျပ်ထုတ်တဲ့ကာလ … ဒေါ်မေရီလှတောက ဗိုလ်ချုပ်ကိုခေါ်လာပြီး ဗိုလ်ချုပ်ကိုရန်ကုန်ပြန်ပို့ပေးဖို့ ကရင်လူမျိုးမန်းဘခိုင်ကို အကူအညီ တောင်းတယ်။